‘এন পি চি বি বি’ ৰ নিৰ্দেশনা অনুযায়ী ৩০০ বিভাগীয় প্ৰতিষ্ঠানত এ আই বা কৃত্ৰিম প্ৰজননৰ সুবিধা প্ৰদান কৰা হৈছে বা এই কেন্দ্ৰসমূহত কৃত্ৰিম প্ৰজননৰ সুবিধাৰ পৰিচিতি ঘটোৱা হৈছে। সমগ্ৰ অসমত ১২৭৫ টা গ্ৰাম্য কৃত্ৰিম প্ৰজনন কেন্দ্ৰ আছে। কৃষকৰ প্ৰয়োজন অনুসৰি সকলো সময়তে এই সেৱা কৃষকৰ দুৱাৰডলিত প্ৰদান কৰা হয়। ক্ৰমাগতভাৱে এই ব্যৱস্থাই ৰাজ্যৰ নিবনুৱাসকলৰ মাজত নিয়োগৰ সম্ভাৱনা বৃদ্ধি কৰিছে।
বাৰাপেট্টা ‘এফ এছ বি এছ’ ত বীৰ্য সংগ্ৰহ কৰি খানাপাৰাত থকা কেন্দ্ৰীয় বীৰ্য বেংকলৈ এইসমূহ স্থানান্তৰিত কৰা হয়। কেন্দ্ৰীয় বীৰ্য বেংকৰপৰা এই বীৰ্যসমূহ সমূহ ১৪ টা হিমায়িত বীৰ্য বেংকলৈ স্থানান্তৰিত কৰা হয় আৰু ইয়াৰ পিছত ক্ষেত্ৰ কেন্দ্ৰসমূহলৈ এই বীৰ্যৰ স্থানান্তৰ হয়। এই কাৰ্য্যত ৫৫ লিটাৰৰ ডাঙৰ পাত্ৰৰপৰা ৩ লিটাৰৰ কঢ়িয়াব পৰা পাত্ৰ ব্যৱহৃত হয়। এই লিকুয়িড নাইট্ৰ’জেন আৰু হিমায়িত বীৰ্য ক্ষেত্ৰসমূহলৈ অনা হয় আৰু অৱশেষত কৃষকৰ দুৱাৰডলিত এই সেৱা প্ৰদান কৰাৰ ব্যৱস্থা কৰা হয়।
ইয়াৰ বাবে কোনো যোগ্যতা বিষয়ক কথা নিৰ্ধাৰণ কৰা হোৱা নাই। যি কৃষকে তেওঁৰ গৰুৰ উন্নত প্ৰজনন আশা কৰে তেওঁ এই সুবিধা গ্ৰহণৰ ববে আগবাঢ়ি আহিব পাৰে।
এগৰাকী কৃষকে এই সেৱা লাভৰ বাবে বীৰ্যৰ প্ৰতি বীজৰ বাবে ৫০ টকা খৰচ কৰিবলগীয়া হয়।
হিমায়িত বীৰ্য বীজৰ তথ্য আৰু বীৰ্য সংৰোপণ কৰা হোৱা গৰুৰ বিবৰণ ৰেকৰ্ড কৰি ৰাখিব লাগে।
(১) হীট চিম্পটম আৰম্ভ হোৱাৰ সঠিক সময় কৃষকে নিশ্চয়কৈ অৱগত কৰিব লাগে,
(২) কৃত্ৰিমভাৱে বীৰ্য সংৰোপণৰ পিছত ২৪ ঘণ্টা আবদ্ধ অৱস্থাত গৰুজনীক পৰ্যবেক্ষণ কৰিব লাগে।
কৃত্ৰিম বীৰ্য সংৰোপণৰ বাবে কৃষকগৰাকীয়ে নিকটৱৰ্তী এ আই কেন্দ্ৰৰ সৈতে যোগাযোগ কৰিব লাগে।
এই সেৱাৰ প্ৰকাৰ অফলাইন।
নিকটৱৰ্তী চৰকাৰী এ আই কেন্দ্ৰ বা ব্যক্তিগত কৃত্ৰিম প্ৰজনন কৰ্মী (গোপাল মিত্ৰ)
জিলা অনুসৰি কৃত্ৰিম প্ৰজনন কেন্দ্ৰসমূহৰ বাবে, তলৰ লিংকত ক্লিক কৰক: অসমৰ কৃত্ৰিম প্ৰজনন কেন্দ্ৰসমূহ
